അദ്ദിക്ർ

313 പ്രവാചകന്മാര്‍ക്കും അവതരിപ്പിക്കപ്പെട്ടിട്ടുള്ള ഗ്രന്ഥം സത്യവും തെളിവുമായ അദ്ദിക്ര്‍ ആണെന്നും അത് പ്രപഞ്ചനാഥനായ അല്ലാഹുവിനെക്കൂടാതെ മനുഷ്യര്‍ക്ക് മ റ്റൊരു ഇലാഹുമില്ല, അപ്പോള്‍ നിങ്ങള്‍ അവനെ മാത്രം സേവിക്കുവീന്‍ എന്ന സന്ദേശം ലോകര്‍ക്ക് എത്തിച്ചുകൊടുക്കുന്നതിന് വേണ്ടിയാണെന്നും 21: 24-25 ല്‍ പറഞ്ഞിട്ടുണ്ട്. 5: 48; 16: 44 സൂക്തങ്ങളില്‍ വിവരിച്ച പ്രകാരം അന്ത്യപ്രവാചകനായ മുഹമ്മദിന് അവതരിപ്പിച്ചിട്ടുള്ള അദ്ദിക്ര്‍ മുമ്പ് വന്നിട്ടുള്ള 312 ഗ്രന്ഥങ്ങളെയും സത്യപ്പെടുത്തുന്നതും കാത്തുസൂക്ഷിക്കുന്നതുമാണ്. 41: 41-42 ല്‍ പറഞ്ഞ പ്രകാരം അജയ്യഗ്രന്ഥമായ അദ്ദിക്റില്‍ ക്രോ ഡീകരിക്കുന്നതിന് മുമ്പോ ക്രോഡീകരിച്ചതിന് ശേഷമോ മിഥ്യയൊന്നും കടന്നുകൂടുകയില്ല. അത് യുക്തിജ്ഞനും സ്വയം സ്തുത്യര്‍ഹനുമായവനില്‍ നിന്നുള്ളതാണ്. 15: 9 പ്ര കാരം അദ്ദിക്റിന്‍റെ സംരക്ഷണമാണ് പ്രപഞ്ചനാഥന്‍ ഏറ്റെടുത്തിട്ടുള്ളത്. ചിന്താശക്തി ഉപയോഗപ്പെടുത്താത്ത അറബി ഖുര്‍ആന്‍ വായിക്കുന്ന ഫുജ്ജാറുകള്‍ അദ്ദിക്റിനെ മൂ ടിവെക്കുന്നവരും തള്ളിപ്പറയുന്നവരുമാണ്. അവര്‍ പിന്‍പറ്റുന്നത് 29 കള്ളവാദികളും കപടവിശ്വാസികളും എഴുതിയുണ്ടാക്കിയ ഗ്രന്ഥങ്ങളെയാണ്. 25: 18 ല്‍ പറഞ്ഞ ആത്മാവിനെ പരിഗണിക്കാത്ത കെട്ടജനതയായ ഇവര്‍ 30-ാമത്തെ കള്ളവാദിയായ മസീഹുദ്ദജ്ജാലിനെ ആദ്യം നബിയായും പിന്നെ നാഥനായും അംഗീകരിക്കുന്നതാണ്. ഈസായുടെ രണ്ടാം വരവിനുശേഷം കാഫിറായ മസീഹുദ്ദജ്ജാല്‍ വധിക്കപ്പെടുന്നതും പ്രവാചകന്‍റെ സമുദായത്തില്‍ പെട്ട ഇതര ജനവിഭാഗങ്ങളെല്ലാം ഇസ്ലാം അംഗീകരിക്കുന്ന തും 8: 22, 55 സൂക്തങ്ങളില്‍ പറഞ്ഞ ഫുജ്ജാറുകളായ ദുഷ്ടജീവികളെ വധിക്കുന്നതുമാണ്. 2: 44; 4: 158-159; 9: 67-68; 21: 10 വിശദീകരണം നോക്കുക.